SuldalFoto.no

Eg las i Suldalsposten at det var funne kvitveis på Førland allereie. Meir skulle ikkje til for at eg måtte finne fram eit av mine eigne bilder av denne vårblomen. Bildet er frå Berge i Sandsbygda og er tatt i 2007.
Eg har ei florabok som heiter Norsk Flora. Ei tjukk bok med strekteikningar av alle slag norske plantar, berre svartkvitteikningar. Ei bok eg aldri hadde eigd om det ikkje var for at eg har 5 vekttal botanikk frå altfor lenge siden. Uansett, poenget er at eg ikkje fann Kvitveis i namneregisteret. Der heitte den Kvitsymre, på latin Anemone nemorósa. Den høyrer heime i Soleiefamilien. Så no er du klar til den dagen du finn den første kvitveisen i år!